ការគ្រប់គ្រងរុយចោះផ្លែឈើរដ្ឋឃ្វីនស្លែន ព័ត៌មានជាភាសាខ្មែរ (Managing Queensland fruit fly, Khmer)

ទាញយក ការគ្រប់គ្រងរុយចោះផ្លែឈើរដ្ឋឃ្វីនស្លែន ព័ត៌មានជាភាសាខ្មែរ (PDF - 580.8 KB)

រុយចោះផ្លែឈើរដ្ឋឃ្វីនស្លែនត្រូវបានគេរកឃើញនៅក្នុងរដ្ឋវិចថូរៀ ហើយវាយប្រហារផ្លែឈើ និងបន្លែជាច្រើន។ សន្លឹកព័ត៌មាន នេះនឹងជួយអ្នករកមើលរុយចោះផ្លែឈើរដ្ឋឃ្វីនឡែននៅក្នុងសួនច្បាររបស់អ្នក ហើយការពារផ្លែឈើ និងបន្លែដែលអ្នកដាំដុះ ពីការខូចខាត។

តើរុយចោះផ្លែឈើរដ្ឋឃ្វីនស្លែនមានរូបរាងដូចម្តេច?

រុយចោះផ្លែឈើរដ្ឋឃ្វីនស្លែន ឆ្លងកាត់ជីវិតបួនដំណាក់កាល។ រុយអាចផ្លាស់ប្តូរពីពង ទៅរុយពេញវ័យក្នុងរយៈពេល៣០ថ្ងៃនៅក្នុងលក្ខខណ្ឌអាកាសធាតុ ត្រឹមត្រូវ (ឧទាហរណ៍ ២៦អង្សារសេ)។

រុយចោះផ្លែឈើរដ្ឋឃ្វីនស្លែនត្រូវបានគេរកឃើញនៅក្នុងសួនច្បារនៅអំឡុងនិទាឃរដូវ (រដូវផ្ការីក) រដូវក្តៅ និងរដូវស្លឹកឈើជ្រុះ។

បន្លែផ្លែឈើដែលគេនិយមដាំដុះតាមផ្ទះដែលជាទីជម្រករុយចោះផ្លែឈើរដ្ឋឃ្វីនស្លែន

រុយចោះផ្លែឈើរដ្ឋឃ្វីនស្លែនបញ្ចេញពងនៅខាងក្នុងផ្លែឈើ និងបន្លែផ្សេងៗគ្នា - ទាំងនេះត្រូវបានគេហៅថា ‘បន្លែផ្លែឈើដែលផ្តល់ទីជម្រក’។ ឧទាហរណ៍ បន្លែផ្លែឈើដែលដាំដុះជាទូទៅ គឺបង្ហាញនៅខាងក្រោមនេះ។

បញ្ជីពេញលេញនៃបន្លែផ្លែឈើដែលផ្តល់ទីជម្រក មាននៅតាមវ៉ិបសៃថ៍  Queensland fruit fly

ការគ្រប់គ្រងរុយចោះផ្លែឈើរដ្ឋឃ្វីនស្លែននៅក្នុងសួនច្បារ

១. ជាដំបូង ចូរពិនិត្យរកមើលរុយចោះផ្លែឈើរដ្ឋឃ្វីនស្លែន

អន្ទាក់៖ ពិនិត្យមើលថាតើមានរុយចោះផ្លែឈើរដ្ឋឃ្វីនស្លែននៅក្នុងសួនច្បាររបស់អ្នកឬអត់ ដោយព្យួរអន្ទាក់រុយចោះផ្លែឈើរដ្ឋឃ្វីនស្លែន។ ព្យួរអន្ទាក់ដែល មានកំពស់ប្រហែល១.៥ម៉ែត្រនៅក្នុងដើមឈើមានម្លប់បៃតងដែលនៅក្បែរនោះ។ ចាប់ផ្តើមធ្វើការនេះនៅដើមនិទាឃរដូវ (រដូវផ្ការីក) ហើយបន្តរហូតដល់ រដូវរងារ។

មានអន្ទាក់ផ្សេងៗគ្នាដែលអាចរកបានដើម្បីទាក់ទាញ និងចាប់រុយចោះផ្លែឈើរដ្ឋឃ្វីនស្លែន។ អន្ទាក់ទាំងនេះក៏អាចទាក់ទាញ និងចាប់សត្វល្អិតចង្រៃដទៃ ទៀតដែរដែលល្អសម្រាប់សួនច្បាររបស់អ្នក ដូច្នេះសូមពិនិត្យមើលថាតើអ្នកចាប់បានរុយចោះផ្លែឈើរដ្ឋឃ្វីនស្លែនឬក៏អត់ មុនពេលប្រើថ្នាំសម្លាប់សត្វល្អិត ណាមួយនៅលើដើមឈើ ឬកូនរុក្ខជាតិរបស់អ្នក។

២. វិធីសាស្រ្តត្រួតពិនិត្យ

ប្រសិនបើអ្នករកឃើញរុយចោះផ្លែឈើរដ្ឋឃ្វីនស្លែននៅក្នុងសួនច្បាររបស់អ្នក អ្នកនឺងទទួលបានការគ្រប់គ្រងល្អបំផុតដោយប្រើវិធីសាស្រ្តគ្រប់គ្រងរួម បញ្ចូលគ្នា។ ចាប់ផ្តើមវិធីសាស្រ្តត្រួតពិនិត្យយ៉ាងហោចណាស់៦-៨សប្តាហ៍ មុនពេលផ្លែឈើទុំសម្រាប់បេះ ពីព្រោះរុយចោះផ្លែឈើរដ្ឋឃ្វីនស្លែន អាចដាក់ពងនៅខាងក្នុងផ្លែឈើដែលនៅរឹង ហើយខ្ចី។

ការឃាត់ឃាំងមិនឱ្យចូលគឺល្អបំផុត៖ ប្រើសំណាញ់ការពារសត្វល្អិតចង្រៃ ថង់ ឬថង់ស្រោប ដើម្បីគ្របផ្លែឈើបន្ទាប់ពីបានដាក់ លំអងផ្ការួច ដើម្បីបញ្ឈប់រុយចោះផ្លែឈើរដ្ឋឃ្វីនស្លែនកុំឱ្យដាក់ពងនៅខាងក្នុងផ្លែឈើ និងបន្លែ។ ការពារកុំឱ្យសំណាញ់ប៉ះផ្លែឈើ។

នុយ អន្ទាក់ និងថ្នាំសម្លាប់សត្វល្អិត៖ អន្ទាក់ និងនុយរុយចោះផ្លែឈើរដ្ឋឃ្វីនស្លែន ទាក់ទាញ និងចាប់រុយចោះផ្លែឈើនៅក្នុងសួនច្បាររបស់អ្នក មុនពេលវាវាយប្រហារផ្លែឈើ។ រកមើលអន្ទាក់ដែលនឹងសម្លាប់ទាំងរុយញី និងរុយឈ្មោល។ អន្ទាក់តែមួយគត់មិនទំនងជាគ្រប់គ្រងរុយចោះផ្លែឈើបានទេ។

ថ្នាំសម្លាប់សត្វល្អិតក៏អាចរកបានដែរ ដែលសម្លាប់រុយចោះផ្លែឈើរដ្ឋឃ្វីនស្លែន។ ថ្នាំសម្លាប់សត្វល្អិតអាចបង្កគ្រោះថ្នាក់ ប្រសិនបើប្រើប្រាស់មិនបានត្រឹមត្រូវ - សូមអាន និងអនុវត្តតាមការណែនាំនៅលើស្លាកផលិតផល។

ផលិតផលទាំងអស់នេះអាចទិញបានពីកន្លែងបណ្តុះកូនរុក្ខជាតិ ហាងលក់ផលិតផលសួនច្បារតាមផ្ទះ និងអ្នកលក់រាយតាមអនឡាញ។

៣. ពិនិត្យផ្លែឈើ និងបន្លែរបស់អ្នក

រកមើលស្លាកស្នាមទិច ឬខាំនៅលើសំបក / សំបករឹងខាងក្រៅ និងរកមើលដង្កូវរុយនៅខាងក្នុងផ្លែឈើ និងបន្លែ។

៤. ការថែរក្សាសួនច្បារចាំបាច់ (អនាម័យល្អ)

បេះ និងប្រើផ្លែឈើពេលណាវាទុំ។ យកចេញផ្លែឈើ និងបន្លែទាំងអស់ដែលស្អុយរលួយ ជ្រុះធ្លាក់លើដី និងផ្លែឈើដែលអ្នកមិនចង់បរិភោគផងដែរ។ ការនេះនឹងបញ្ឈប់រុយចោះផ្លែឈើរដ្ឋឃ្វីនស្លែន ពីការបង្កបង្កើតកូននៅក្នុងសួនច្បាររបស់អ្នក។

កាត់ចេញមែកឈើហូបផ្លែតូចតាចដើម្បីឱ្យអ្នកអាចឈោងបេះផ្លែបាន ដាក់សំណាញ់សត្វល្អិត ឬបាញ់ថ្នាំសម្លាប់សត្វល្អិត។

មុនពេលបោះចោលផ្លែឈើ អ្នកចាំបាច់ត្រូវសម្លាប់ដង្កូវរុយណាមួយដែលអាចមាននៅខាងក្នុងដោយបង្កក ដាក់ក្នុងចង្ក្រានម៉ាយក្រូវ៉េវ ដាំទឹកឱ្យពុះ ដាក់ក្រោមកម្តៅថ្ងៃ (ដាក់ផ្លែឈើក្នុងថង់ផ្លាស្ទិចបិទជិត ហើយទុកវាចោលក្រោមកម្តៅថ្ងៃឱ្យបានយ៉ាងហោចណាស់១៤ថ្ងៃ)។ បន្ទាប់ពីអ្នកបានធ្វើរួច រាល់ហើយ អ្នកអាចដាក់ផ្លែឈើដែលវេចខ្ចប់ ចូលក្នុងធុងសំរាមរបស់អ្នក។

កុំធ្វើជីកំប៉ុសផ្លែឈើ និងបន្លែដែលខូចខាត ឬមានច្រើនពាសពេញទៅដោយរុយចោះផ្លែឈើរដ្ឋឃ្វីនស្លែន។

ប្រសិនបើអ្នកមិនអាចថែរក្សាដើមឈើហូបផ្លែ និងបន្លែបានទេ ចូរដាំជំនួសជាមួយកូនរុក្ខជាតិលម្អដែលមិនផ្តល់ទីជម្រក (ឧទាហរណ៍ ដើម wattle ឬ grevilleas ក្នុងស្រុក) ។

កុំចម្លងរាលដាលរុយចោះផ្លែឈើរដ្ឋឃ្វីនស្លែន

វិធីល្អបំផុតដើម្បីបញ្ឈប់រុយចោះផ្លែឈើរដ្ឋឃ្វីនស្លែនពីការឆ្លងរាលដាលទៅកាន់កន្លែងថ្មី គឺមិនត្រូវធ្វើដំណើរជាមួយផ្លែឈើ ឬបន្លែដែលផ្តល់ទីជម្រក ជាពិសេសចំពោះផ្លែឈើ ឬបន្លែដែលដាំដុះនៅតាមផ្ទះ។

ការផាកពិន័យអាចអនុវត្តប្រសិនបើអ្នកត្រូវបានគេរកឃើញថាកំពុងធ្វើដំណើរជាមួយផលដំណាំដែលផ្តល់ទីជម្រក ហើយនាំចូលមកក្នុងតំបន់ជាក់លាក់ - សម្រាប់ព័ត៌មានលម្អិត សូមចូលទៅកាន់វ៉ិបសៃថ៍Australian interstate quarantine។

ព័ត៌មានបន្ថែមអាចរកបាននៅតាមវ៉ិបសៃថ៍ Queensland fruit fly ឬដោយទូរស័ព្ទមក មជ្ឈមណ្ឌលសេវាកម្មអតិថិជន លេខ 136 186។

អនុញ្ញាត និងបោះពុម្ពផ្សាយដោយក្រសួងការងារ ប្រចាំតំបន់ និងភូមិភាគ 1 Spring Street, Melbourne ខែមីនា ឆ្នាំ២០២០

© រដ្ឋវិចថូរៀ ក្រសួងការងារ ប្រចាំតំបន់ និងភូមិភាគ ឆ្នាំ២០២០